今朝做咗個〈千禧年代〉訪問，講Whatsapp新私隱條款，講咗以下十個重點：
1. 喺香港好難用法律途徑去處理濫用私隱呢類問題。
2. 大公司嘅嘢，真係講個信字，唔信就冇得用。
3. Whatsapp逼人agree，唔agree唔俾用呢個做法係倒自己米。
4. Whatsapp嘅澄清話，個人同個人，甚至個人同商戶之間嘅訊息係end-to-end加密，唔會透露俾第三方。只係當商戶用Whatsapp for Business同用戶通訊，咁啲訂單同交易嘅相關資料先會share埋俾Facebook。
5. Facebook話用戶同商戶交易啲資訊你就算唔share俾佢，都要share俾個商戶，咁佢地點處理你啲資料，就要睇個別商戶嘅條款。
6. 咁如果個商戶係用Facebook hosting嘅，你又同佢用whatsapp溝通，啲資料share埋俾Facebook，就可以為用戶帶來「更佳體驗」，唔會打錯廣告。而處理你嘅資料就會根據Facebook同Whatsapp嘅私隱條款嚟處理。
7. 就算個商戶用Facebook hosting，但係你唔想同佢用Whatsapp溝通，咁你可以自己搵第個方法同佢完成交易，咁就唔關Whatsapp事喇（但係你會唔會先）。
8. 其他社交媒體同IM產品未成氣候，但係都值得大家支持下。
9. 大眾對科技產品嘅私隱問題有敏感度係一件好事，唔算過度恐慌。
10. 而家只有靠用戶同公眾去監察大公司有冇濫用個人資料。
Search